DILLEMBURGUM

DILLEMBURGUM

opp. Qeteraviae Reg. in Franconia, ad Dillam fluv. cum castro munito. Hinc Comites Dillenburgici, e gente Nassovia, de qua vide in voce Herborna. 5. leuc. a Marpurgo in Occ. 4. a Vetzlaria, in Sept. Comitum haec Nassoviae, per multas aetates, sedes, Auriacorum Principum eximio pari, Gulielmo et Mauritio, incunabula praebuit, Arx inter munitissimas Germaniae, situ et operâ humanâ, merito referenda; cum armamentario instructissimo, in excelsa rupe: imminet oppido in valle ad

ad Orient. Solem subiecto. Nomen a praeterfluente Dilla fluv. Familiam Comitum quod attinet, linea Dillenburgica omnium stirpis Nassoviae linearum praecipua, A. C. 1292. coepit, ab Othone Henric. I. Divitis fil. maiori natu, cui Dilleburgum cessit, Walravio fil. min. Weisbadensem Comitatum sortito. Pater fuit is Otho, Dillenburgi sedem qui primus fixit, ex Agnete Solmensi, inter alios Henrici, qui arcem non tam verustate, quam incendio collapsam, ampliorem multo ac speciosiorem reddidit: Pater ex Adelheida Com. Arembergia, Othonis et Henrici, quorum hic Beilstenium obtinuit, ille Dillenburgensem lineam continuavit, Comitatu Viandensi, Baronaru S. Viti et parte dominii Grimbergensis; patrimonio aucto. Obiic autem A. C. 1369. relicto Ioh. qui ex Margareta fil. Engelberti Com. Marcarum et Cliviae liberos suscepit, Adolphum et Engelberrum: quorum is Dietzam avitae ditioni adiecti, ductâ Iuttâ, Gerhardi Com. Dietzensis filiâ ac herede. Sed a filia eorum Iutta, Comitatus hic marito Com. Diepstenio ac Coninckstenio allatus est. Alter Ioh. fil. Engelbertus, ductâ Iohannâ, Ioh. Leccae et Brecdae Toparchae, fil. Baronatum Bredae, a Ioh. Brabantiae D. emptum, dirioni avitae adiunxit; defunctus A. C. 1446. Eo genitus Ioh. Comes Nassoviae, Viandae, Baro Bredae, Toparcha Leccae, Praefectus Brabantiae; iunctâ sibi Mariâ, Ioh. Comit. Leccae ac Heinsbergae fil. ditiones iterum varias, ac inter eas, tertiam Iuliaci agri partem, nactus est: Pater, inter alios, Engelberti ac Ioh. inter quos, cum paternam crevissent hereditatem, convenit, ut utricumque haeres masculus defuturus esser, eius ditiones alteri lineae accrescerent. Quo factum, ut Engelberto, qui non modo Brabantiae, sed omnium per Belgium munitionum Praefectus, aurei velleris in domum Nassovicam decus intulit, Maximiliano I. Imp. percharus, sine liberis defuncto, A. C. 1504. Ioh. in omma eius bona, quae recentiora et in Gallico solo posita erant, succederet: Cattimelibocensi insuper Comitatu et reducto Dietzensi, avitis ditionibus adiectis. Pater hic ex Elisabetha Hassiaca, Annae Comit. Cattimelibocensis heredis filia, Henrici fuit, qui ditiones patrui Engelberti, ac Gulielmi, qui Dillenburgum et coetera in Germanico solo loca paterna nactus est. Quorum ille Arausionensem lineam primam orsus est, ex media uxore Claudia Auriacâ Renato Cabillonensi suscepto: Iste Catolo V. Caes. a consiliis, Gulielmi qui Auriacam gloriam in Dillenburgicam familiam intulit, genitor, obiit A. C. 1559. Aet. 79. Ex Walpurgi, Ioh. Egmondanifilia, Elisabethâ, et Magdalenâ; ex Iohanna vero, Bothonis Comit. Stolbergii nata, Gulielmo Auriaco. Ioh. suo in Germania successore, aliisqueve utriusque sexus susceptis. E quibus Gulielmus Renati Cabillonensis ultima voluntate haeres Arausionensis Principatus, hodiernorum Auriacorum Principum auctor est. Ioh. belli pacisque artibus clarus, Illustrem Scholam Herbornensem fundavit, Religionemqueve nuper repurgatam ad exteros usque promovit: defunctus Dillenburgi A. C. 1606. Aet. 71. Ei ex Elisabetha Liechtenbergica, nati sunt Wilhelmus Ludovicus, Frisiae, Groningae, Tencterorum et Tubantum Praefectus, Ioh. Georgius, Philippus, Mechtilda, Ernestus, Casimirus et Ludovicus Guntherus,

praeter filias adhuc ahquot: ex Cungegunda Iacoba Friderici III. Elect. Palatini filia Amalia et Cunigunda, quarum illa Gulielmo Com. Solmensi nupsit: ex Iohanna denique Ludovici Senaei Witgenstenii fil. Ioh. Ludovicus, et quinque filiae. Inter quorum masculos hereditas sic divisa est, ut Gulielmo Ludovico Dillenburgum, Herbornâ, Dingenstenio, Ebersbachio, et Hegerâ adiectis, Ioh. Sigena; Georgio, Westerwaldia; Ernesto Casimiro Dietza et Nassovia, Ioh. tandem Ludovico, Hadamaria obveniret: quo pacto Dillenburgensis linea in quinque Comitatuum flexus secta, tot sedes Principatuum titulo futuras nobiles exstruxit. Sed Gulielmo Ludovico, pastquam ex Anna Gulielmi Auriaci filia nullam suscepisset prolem, Leowardiae Frisiorum A. C. 1620. Aet. 60. exstincto; Sigenensislinea, cuius Ioh. auctor, inter Nassovicas, praecipua esse coepit: Georgius vero hodiernos Dillenburgicos sevit, defunctus A. C. 1623. Is enim, ex Anna Amalia Nassovia, genuit Ludovic. Henric. Principem Nassoviae in Dillenburg. quo, et Catharinâ Sayno-Witgensteniâ; (quae novem annis ante maritum obiit A. C. 1651.) nati sunt Anna Amalia (nat. A. C. 1616. ux. Ludovici Com. Wiedani primo, dein Christiani Com. Saynoe) Georgius Ludovic. (nat. 1618. den. 1656. ux. Anna Augusta Brunsv.) Elisabetha (nat. 1619.) Iuliana (nat. 1620. den 1621.) Albertus (nat. 1621. den. 1622.) Catharina (nat. 1622. den. 1631.) Ludovica (nat. 1623. den. 1666. Uxor Ludovici Com. Isenburgici) Henricus Wilhelmus (nat. 1626. den. 1627.) Magdalena (nat. 1638.) Adolphus (nat. 1629. ux. Elisabetha Carola Holtzapfelia) Philippus (nat. 1630. den. 1657.) et Maria Eleonora (nat. 1632. den. 1633.) omnes Principes ac Comites Nassovioe etc. in Dillenburg. E quibus Georgius Ludovicus, ex Anna Augusta uxore, sustulit Elisabetham Catharinam (nat. 1639. den. 1641.) Sophiam Eleonoram (nat. 1640.) Henricum nat. 1641. ex ux. Dorothea Elisabetha Lignicio-Brigensi, patrem N. Principis) Carolam (nat. 1643.) et Ludovicam (nat. 1652. Vide Phil. Iacob. Spener. Theat. Nobilit. Europ. tom I. p. 82. et 163. Cyriac. Lentul. Princip. Nassovioe Geneal. MS. etc.